Bale Bengong

Oleh I Nengah Widana

Sing kena baan ngorahang apa
hidup di jaman kaliyuga.
Bhuta kala ngerangsuk angga sarira
pipis dadi ukuran manyama braya.
Sing taen takut karma pala
tutur anak tua suba sing kanggo
arta brana mula jani kuasa.
Salah manusane setata ngulurin indria
tur madosa keneh iri hati.
Jeg nganggoang kita, laba pura anggon perkara.
Kenkenang lakar jani ngajegang gumi baline
yadnya suci katur ring batara sami.
Munyin kulkule meglendung maciri karya agung
pamedek sami ngiring malalung.
Pamedek sami melah lan luung
di jaba tajene sing taen suwung.
Catatan: Puisi di atas dibuat oleh I Nengah Widana, pedagang soto sapi Karangasem. Pak Ngah, panggilan akrabnya, mengirim puisinya untuk dimuat di Bale Bengong. Puisi dalam bahasa Bali ini menuturkan gundah gulananya tentang kondisi saat ini